نصايح لشباب ادخل وامسك بطنك من الضحك..!

من طرف al z3ieemh الإثنين مايو 31, 2010 4:12 pm

السلام عليكم ورحمة الله وبركاته

ندخل في الموضوع

لاحظت في الشارع والامجمع وجود أخطاء سلوكية في حيات بعض الشباب ....

والا الجامعة :

فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ...

لووووووووول

بسم الله نبدأ ..

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..

خطأ : تفتح الإشارة .. ثم يعلق واحد وراك البوري ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لين يقول العيد الليلة ...

ثم
قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..

خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

ثم ..

طلع راسك مع الدريشة ... واضحك .. هههههههههههههههههههه

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح : تمسكه ... مع رجليه ... وتصمخه بالارض صمخه ... وتجيب قوطي ببسي .. وترجه رجا مبرحاً... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ... وتردع براسه في الارض

ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...

خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعاد أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..
قل بينك وبين نفسك ... ماعاد أحلّق عنده ... !

خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... همن ارجع له .. وتفرّغ له ...
وطب في بطن اهل..
...

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني

خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة
...

ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : دق على محل ستالايات ... وقله نبيك تجي تركّب لنا دش بالسطح ... ولاتنسى تجيب الدريل معك والشاكوش

... لأننا بنركب 15 دش .. الليلة ..
ثم واصل للصبح ...

خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا ب الدله ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم

\الصحيح :المفروض تكتب اذا طولت هذا شيء راجع لى وبكيفى وإلا من قال لكم تقرون موضوعي مع سلامي لأحلى أعضاء

ولا تصدقون ترى امزح مو بكره واحد من الشباب يتهور ويقولون انسجن خخخخخ

تحياتي